ماذا فعل لكم ياسر يا بلطجية حماس أنتم وأسيادكم شيعة إيران ؟

مش عارفه أقول ايه؟

أهل غزة جوه العين لكن أولادنا نور العين

الرائد المصري ياسر اتقتل على الحدود برصاصتين في رقبته من كلب لا أستطيع تحديد هل هو من حماس أو لا المهم إنه فلسطيني

ليه ظابط مصري يتقتل وهو بيدافع عن حدود بلده؟

ليه المستشيخين في مساجد غزة يقولوا دماء المصريين وجنودهم على الحدود حلال؟

ياسر هو اللي عمل مذبحة غزة ؟ هو اللي دبحهم ؟

الى أشاوس حماس المغاوير وأمثالهم في كل بقعه من الأرض

ربنا يحرق قلوبكم على أحباؤكم زي ماحرقتوا قلوب أهل ياسر وغيره من الشهداء المصريين

نقطة دم واحده من مصري وخاصة جنود مصر برقابكم كلكم مجتمعين

لامتى هتفضلوا توجهوا كرهكم وحقدكم على مصر والمصريين؟

ده جزاءنا ؟بتوجهوا أسلحتكم لينا ولأولادنا وأخواتنا؟

يعني الأغبياء الظلمة اللي قتلوا الظابط المصري البريء دول ماراحوش ليه يوجهوا رصاصهم للاسرائيليين اللي بيدبحوا في اهل بلدهم ؟

أنا غير متعاطفه مع الفلسطينيين الحاقدين الكارهين لبلدي وماأكثرهم ... وأعلنها صريحة

كنت متعاطفه مع كل الفلسطينيين داخل فلسطين لكن بعد اللي حصل للضابط المصري المغدور على
أيديهم خلاص مابقاش فيه جوايا أي تعاطف إلا مع الأنقياء منهم

لأن الباقيين أيديهم ملوثة بدماء أخواني أبناء بلدي ورجال الأمن في بلدي

ازاي أتعاطف معاهم ؟

دي مش أول مره يقتلوا فيها مصريين

ذنبه ايه هو وأمه وزوجته وأبناؤه؟

يارب خلص فلسطين وكل بلد عربي من المجرمين الظلمه أمثال حماس وحزب الله وتنظيم القاعده ومن شابههم في أي مكان

اللي في حركة حماس دول مش ناس بتدافع عن بلدها وعن المسجد الأقصى انما دول عصابة بيدوروا على السلطه

ربنا يعطيهم بقدر ما يحملوه في قلوبهم وعقولهم من نوايا هو وحده سبحانه وتعالى أعلم بها منا

ليه بيتعمل كده في مصر والمصريين من عرب شايلين ليهم كل حب ومودة وتعاطف ومش سابينهم لوحدهم أبدا ؟

دي بقت ظاهره تستحق الدراسة

حتى الكلاب في محطة الجزيرة القطرية شفتوا قالوا ايه للسافله ليفني في حوار على الهواء لا يحدث إلا في قطر طبعا لأن مين هيستضيف اسرائيليين غير قطر؟

المذيع القذر في إحدى البرامج لو سأل الست دي ستة أسئلة يبقى فيه منهم تلاته عن مصر في محاولة لإثبات أن مصر كانت تعرف انهم هيضربوا غزة ومديالهم اذن بالهجوم وتبقى مصر خاينه وعميله وبايعه القضية

وطبعا الست ردت عليه باندهاش وبرود :هما كانوا المفروض ياخدوا اذن ؟طبعا لا فهم لا يأخذوا الاذن لعدوانهم ووحشيتهم

وأصر على لفلفة السؤال بأشكال أخرى وأيضا كانت الاجابه كما هي :نحن لا نأخذ الإذن ونفعل ما نريد ونراه في صالح حماية مواطنينا

وظهرت براءة مصــر أخيرا على محطة حقيرة زي الجزيرة..... يا فرحتنا

طيب يا سفله يا اعلاميي محطة الجزيرة ليه المذيع بتاعكم ماقالش للست ليفني أي كلمة فيها اعتراض على ما يقوموا بفعله ؟

دي الست بتقول عايزين سلام

أي سلام ده وهما بيدبحوا الأبرياء العزل بدون رحمه ولا شفقه ولا منطق؟

لكن ازاي يرد عليها بأي رد فيه إدانة لاسرائيل صديقة قطر ؟

مصر بس اللي ليها قلة الأدب والسفاله والتصرفات الداله على الكره والحقد والضغينه وسواد القلوب

وطبعا ده كله غير القتل لأبنائها بدون ذنب ولا جريرة وكأن دماء المصريين حلال وأرواحهم بلا قيمة

ربنا ينتقم من كل مجرم متعطش لدماء الأبرياء سواء كان من حماس أو حزب الله وأي شخص يواليهم

دم الظابط المصري ودم الجندي اللي اصيب بعده باصابة خطيره بعد ماضربتوا مدافع الهاون
على الحدود المصريه واللي قبلهم كمان لأن سلسلة جرائم الفلسطينيين تجاه المصريين ليها تاريخ

دماؤهم في رقابكم وربنا ينتقم لهم ويقتص لهم ممن قتلوهم غدرا بدون ذنب

أما بالنسبه لأي فلسطيني شريف محب لمصر وأهل مصر ومقدر تصرفات المصريين الداله على معدنهم الطيب الأصيل وطيبتهم وحبهم لكن من هو عربي وتضامنهم مع القضية الفلسطينيه

بقول لكل واحد منهم ربنا ينصركم ويفك كربكم ويزيح عنكم الغمه ويجعل ابتلائكم هذا في ميزان حسناتكم ويرحم
شهداؤكم